Žito sa šlagom

Vrijeme je slava a bliži nam se i Božić pa je pravo vrijeme da objavim recept za žito. Mislim da je žito sa šlagom jedna od prvih poslastica koju sam naučila da pravim i nekad se prilično često spremalo kod nas. Doduše ja žito nisam nikad pravila za slavu ili za Božić već sa šlagom kao poslasticu ali je recept svakako isti pa vam može poslužiti i za praznike.

Žito sa šlagom

500 gr pšenice

250 gr oraha

šećera po ukusu

1-2 kesice vanile

malo ruma

šlak krem

mlijeko za šlag

Žito natopiti i staviti da odstoji preko noći. Sjutradan ga prokuvati u ekspres loncu. Vrijeme kuvanja bi trebalo da bude jednako vremenu kuvanja pasulja. Skuvano žito procijediti ali vodu u kojoj se kuvalo nemojte bacati. Žito pomiješajte sa cijelim orasima, dodajte vanilu i šećera po ukusu pa ga sameljite na mašini za mljevenje mesa. Samljevenom žitu dodajte i malo ruma a ako je previše gusto možete mu dodati i malo od one vode u kojoj se kuvalo. Žito dobro rashladite a prije služenja sipajte po nekoliko kašika u čašu i odozgo ih ukrasite umućenim šlag kremom.